أني ظالم أمــــــــــي..

[إْلاح‘ــ Ϟ мяħƒṬ Ϟــآسـيـس]

السلام عليكم : اكو شي متعرفوه عليه هو :


امي عدها عين وحده يعني بالعاميه ( عوره )

واني جنت اكرها لان اتسبب لي الاحراج كدام

اصدقائي وهي جانت تشتغل طاهية بنفس المدرسه

الابتدائيه الي اني بيها علمود تساعد العائلة على
مصاريف البيت

ومره اجتي تطمئن عليه وسببتلي احراج كدام

اصدقائي .... واحد من التلاميذ كال : امك بعين

وحده امك..... أمك فراشة بالمدرسه ؟؟؟؟؟؟؟

فصرت عصبي ورحت على امي و

كتلها : ياريت اتموتين واخلص منج فضحتيني
بكل مكان سويتيني مضحكه كدام اصدقائي
امي سكتت ومجاوبتني ...

المهم ما اطول عليكم :

درست بجد وتعبت وحصلت على وظيفه باحدى
الشركات واشتريت بيت واستقرت حياتي وجنت
جدا سعيد ومناقصني شي
بعد سنين طويلة اجتي امي لزياتي علمود اتشوف
اولادي وتطمئن عليه لان اشتاقت اليه والحفادها

فمن شفتها على الباب صرخت بوجها

كتلها : انتي ليش اجيتي علمود اتخوفين اطفالي
بشكلج اطلعي بره بسرعه ما اريد اشوف وجهج

كالت : يمكن غلطت بالعنوان ابني بعد مراح اتشوفني اني اسفه واختفت ؟؟؟

وبصراحه بعد اشهر طويلة حسيت نفسي مخنوك

وركضت على بيتنا القديم اسأل على امي فواحد

من الجيران كال : يابه والدتك اتوفت صار شهر

وتركت هاي الورقه لحضرتك فتحت الورقه

مكتوب بيها :

ابني الحبيب لطالما .... فكرت بك ... وطول

مرضي على السرير كنت اتمنى ان تأتي لزيارتي

اني اسفه لان سببتلك الاحراج مرات ومرات ..


ولازم تعرف انك من جنت انته اصغير تعرضت

انته لحادث وفقدت عينك

واني كأي ام لم استطع ان اترك ابني يكبر بعين
واحده
ولذلك اعطيتك عيني وانا فخوره جدا لان ابني

يستطيع ان روية العالم بعيني

ملاحظه : ( القصة من احدى المجلات )

السوال : ليش احنا منعرف قيمة الام الا اذا

فقدناها ؟؟؟؟؟؟؟ وننسى كل التضحيه والحنان
والسهر والله وصانا بالام ؟؟؟؟؟؟

والشباب يمتلكون الالاف من كلمات الحب
بس يبخلون على الام كلمة واحده تسعدها
وتفرحا وتكون كلماتهم من نصيب انسان ربما
يكون مخادع ميستاهلها والام اولى ؟؟؟؟؟؟

وليش الام عدها يوم واحد عيد مثل عيد الاعمال يوم مو كل يوم عيد
الام ؟؟؟؟؟؟؟؟؟؟؟؟

[|» قـۓـمـۓـر ღ بـۓـ غ ـۓـدآد «|]

عاشت ايدج على روعه طرحج
اكيد الشخص ميقدر قيمه والدته الا اذا صار شي عليه
بس مو الكل
تسلمين ورده ومن تالق الى ابداع
تحياتي

[ά ѕ έ έ я ● ά ℓ я ό ό ħ]

عاشت ايدج والله قصه مؤثره جدآ

طبعآ الام هيه اغلى واحسن وماكو كلمه توصفها بالدنيا

طبعآ من تتوفى نعرف قيمتهآ لأن راح تترك فراغ كبير

بلحياة وراح نفتقدها ....ياربِ احفظ لي أمي وكل ألامهات

تحياتي

[إْلاح‘ــ Ϟ мяħƒṬ Ϟــآسـيـس]

يسلمو على مروركم


بهذي الدنيا كولشي يتعوض الا فراق الام

يارب يحفظ امهاتنه