رقــة قـلـب
11-07-21, 04:07 PM
صفينه ايدنه وي الكَاع حتى الكَاع ملّت من خطاوينه.. ـ
وصفينه ركام يامهيوب اسمك .. ليش تريد تمسح كل اسامينه..ـ
وصفينه ايد تلوي الايد بعد ميحير الوكت شلون يلوينه..ـ
وصفينه الدم للركاب يسيل بكل بيت الجفن حضرناه اخاف الموت يلفينه..ـ
وصفينه من الغروب انّام بعد ماجانت السهر ينور ليالينه..ـ
وصفينه نكَول للي يموت روح اخّلص من قهرنا ومن بلاوينه..ـ
وصفينه بالتفكَ متحزمين بس نكتل بعض والموت حادينه..ـ
وصارت كل مدنّا كَبور ظلمه ونلبس بس سواد شوكت ماجيت تلكَينه..ـ
وصفينه عالهويه نذبح الجيران ولا جن سنين الحلوه وياه كَضينّه..
ـ
وصفينه نخبط الصافي بنهرنا الماصفه فد يوم طينه..ـ
وصفينه نعيد بالتاريخ ولعصر الجاهليه اليوم ردينه..ـ
ولاجنّه اول حضاره صارت اعل الكَاع ولا جن اول مسلّه احنه سنّينّه..ـ
ولاجن حكمنا الدنيا من بغداد ولا جن المنايا تخاف لو سمعت بطارينه..ـ
ولاجن كَبل واحدنه من ينضام يفز الكَلب من حشاه ويعينه....ـ
.شجــــــــانه اليوم بس كاتل ومكتول ولا رحمه بكَلبنا - كَلي شبينه؟؟..ـ
نبوكَ من الليالي مسامر الخلان ونكَطع وصل حبهم من شرايينه..ـ
وصفينه كلـشي ماحاوين لاحاضر جديد ولاماضي قديم اللي يواسينه..ـ
نهاجر نكَول بلكي يهدّه البال برّه وتتحقق امانينه..ـ
ومن نفرح غفُل نبجي بدمع مهضوم لان فرحتنا تغّص بكل مآسينه..ـ
جاوبني يالعراق وكَلي ليش هيجي صفينه؟
وصفينه ركام يامهيوب اسمك .. ليش تريد تمسح كل اسامينه..ـ
وصفينه ايد تلوي الايد بعد ميحير الوكت شلون يلوينه..ـ
وصفينه الدم للركاب يسيل بكل بيت الجفن حضرناه اخاف الموت يلفينه..ـ
وصفينه من الغروب انّام بعد ماجانت السهر ينور ليالينه..ـ
وصفينه نكَول للي يموت روح اخّلص من قهرنا ومن بلاوينه..ـ
وصفينه بالتفكَ متحزمين بس نكتل بعض والموت حادينه..ـ
وصارت كل مدنّا كَبور ظلمه ونلبس بس سواد شوكت ماجيت تلكَينه..ـ
وصفينه عالهويه نذبح الجيران ولا جن سنين الحلوه وياه كَضينّه..
ـ
وصفينه نخبط الصافي بنهرنا الماصفه فد يوم طينه..ـ
وصفينه نعيد بالتاريخ ولعصر الجاهليه اليوم ردينه..ـ
ولاجنّه اول حضاره صارت اعل الكَاع ولا جن اول مسلّه احنه سنّينّه..ـ
ولاجن حكمنا الدنيا من بغداد ولا جن المنايا تخاف لو سمعت بطارينه..ـ
ولاجن كَبل واحدنه من ينضام يفز الكَلب من حشاه ويعينه....ـ
.شجــــــــانه اليوم بس كاتل ومكتول ولا رحمه بكَلبنا - كَلي شبينه؟؟..ـ
نبوكَ من الليالي مسامر الخلان ونكَطع وصل حبهم من شرايينه..ـ
وصفينه كلـشي ماحاوين لاحاضر جديد ولاماضي قديم اللي يواسينه..ـ
نهاجر نكَول بلكي يهدّه البال برّه وتتحقق امانينه..ـ
ومن نفرح غفُل نبجي بدمع مهضوم لان فرحتنا تغّص بكل مآسينه..ـ
جاوبني يالعراق وكَلي ليش هيجي صفينه؟