المغتربه
09-07-03, 08:47 PM
ونيت آني بالغُرُب محد سمعلي ونتي
وظليت وحدي كالشمع آني وغربتي وصمتي
الغربة صعبة على اليحب
وما جربينة إحنا الغُرُب
ويا روحي تدريني محب واليدري ألله وإنتي
**
كثرن محطات السفر ولا وحدة بيهن بغداد
وما اريد منك ياعمر غير الأمل والميعاد
ما اريد غير محبتي
وارجع اموت بديرتي
ما بطلج يا دمعتي ولا بطلج يا ونتي
**
دجلة حبيبتنا ونظل للموت ما ننساها
كلما نمر إحنا بأرض بذيج الأرض نلكاها
مثل الخيال ويانه
وندريها ما تنسانا
بركاب من خلانا نبتعد عنج إنتي
وظليت وحدي كالشمع آني وغربتي وصمتي
الغربة صعبة على اليحب
وما جربينة إحنا الغُرُب
ويا روحي تدريني محب واليدري ألله وإنتي
**
كثرن محطات السفر ولا وحدة بيهن بغداد
وما اريد منك ياعمر غير الأمل والميعاد
ما اريد غير محبتي
وارجع اموت بديرتي
ما بطلج يا دمعتي ولا بطلج يا ونتي
**
دجلة حبيبتنا ونظل للموت ما ننساها
كلما نمر إحنا بأرض بذيج الأرض نلكاها
مثل الخيال ويانه
وندريها ما تنسانا
بركاب من خلانا نبتعد عنج إنتي