منتديات قلب العراق
العودة  

منقولات الشعر الشعبي شعر شعبي عراقي , اشعار شعبية 2013 , شعر شعبي عراقي , الشعر الشعبي العراقي , اشعار شعبية 2013 , منقولات


  #1  
قديم 09-09-05, 02:00 PM
ضابط رومانسي غير متواجد حالياً ضابط رومانسي
المشاهدات: 2927 | التعليقات: 3

ومضات الحب


السلام عليكم


اليوم جبتلكم ومضات اتخبل يارب ان تنال رضاكم


((ومضــــــــــــــــات))


ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك


جبت كلب ثاني حتة اكدر انساك
صارت مصيبة وحبك الثاني
عليك تعاركو هذا كتل ذاك
زعل كلبي على كلبي وموتاني


جمال البيك دايخ هوة بيك
ويمكن انت تخدر من تكض ايديك
انت ربك خالقك بشكل خاص
اظن خالقك بس الة حتى يعاين عليك


احذرك لوتريد تسوي عركة وياي
ماشايفني حقك لمن اتعرك
اشك حلكك ابوسة ومنك اخذ ثار
وبلكي تهد علية وتاخذ بثارك


شفت عصفور فوك الشجرة مكتول
كلت هذا المنية شلون وصلتة
رفعت الراس لكيت العش محترك
كلت هاي القضية الحركة كاتلتة


تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأ كضاها بس يعاين عليك


احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك


موبس اني اذوب واخدر عليك
من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر
على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب


حلو وتنكلب ويختلف وضعك
وكذلتك طايرة وتلعب على الريح
الوحيد انت حلو ومحد يتبعك
لأن من تمر كلها ادوخ وتطيح


ابوطنة الضحكة شردت من الحلوك
والعيدية دوم مزاعلة الأيد
يجينا العيد جان ومامش هدوم
هسة هدوم عدنة ومايجي العيد


هوة غيرك من اشمنة اموت
لاكن ارجع عدل من اشتم هواك
تدري انة شكد احبنك بحيث
من اتهد انت علية اهدن وراك


اكص لساني خاطر ما أحاجيك
وحتة ينتهي البينك وبيني
لكيت انوب عيني تسولف وياك
يعني شلون اكص لسان عيني


حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني


شكد شايف شفايف فوكهن شامات
بس مثل شفتك ما ملتقي بشفة
تكض اللفة تاكل من تحس بجوع
من كثر الحلاوة تعضك اللفة


اريد افتح وياك باب الاعتاب
واكفر بالعشك لوبابة سدة
صاير ماتحس كلش هاليام
وحيل تغيرت بيك المودة
رد كلمن يجيلك وجنحة مكسور
بس مكسور خاطر لاتردة


يا أول عشك ياخذني لبعيد
ياأول محب يحتل كياني
زعلت وياك مرة وخلصت وياك
واني وياك صار وطلكاني
كلت انساك خاطر انسا ألأهموم
شوطلعت محبتك من اذاني
لو أدري بغيابك يهدم الحيل
جا كصيتة لعيونك لساني


انة البيت عندي وكلشي حاويه
بالأيجار الوكت كعدني بالدار
وكلت بكليبي اسكن مايهمني البيت
طلع حتى الكلب كاعد بالأيجار


كضت سنين عمري وخلصت شوك
وعلى عشك الجنيتة تهمل العين
العشك ينظلم لوينتهي بساعات
تكلي شلون واحنة باربع سنين


الحكومة انطت شعبها ارقام وارقام
حتى المواطن ايخابر ويشرح همومة
شعب خارج نطاق التغطية يعيش
اذن شيسوي بارقام الحكومة


كل حلو ينباس بس انت الوحيد
دخنة شلون صارت هوسة
خدك يكهرب واليبوسة يطيح
كمنة من بعيد ناخذ البوسة


جم محب حاول ينسة الحبيب
وانة من انساك اظل دايخ عليك
انت حبك يختلف فد شي غريب
حتى نسيانك حلو يذكرني بيك


عليك الكلب ثابت قفل مقفول
واموت وما أدور عن بديلك
ما أحب الصلاة بس كمت اصلي
اصلي لخاطرك حتى اندعيلك




عذاب البرزخ انة تعذبت بيك
ولكن بالكلب ظل حبك ايزيد
واذا كالولي عوفة وجنة ننطيك
اريدن برزخك أي جنة ماريد


ماأنضيع الرفيق مبين ومعروف
من كرشة وبدلتة ودستة اقلامة
وفارك من اذنة وشواربة تقليم
ومخنزر عالبشر وعيونة بالهامة


شيجيب باجر واكعد وياك
واكضنك واطحك مابين الأضلوع
واذا باجر اجة وماجابك وياه
اكض باجر واشمرة من الأسبوع


أمس اباب بيتك ضاعت الروح
واجيت ادوور هم شفتها
اظن لمن كعدنة بعتبة الباب
رحت انة وبقت يمك عفتها


تعال وشوف حالي جم جرح بية
موبس الكلب مجروح حتى الروح ماذية
ياس خضر مابجاك لوتسمع اغانية
تدري من يكول اعزاز نار وتشتعل بية



لتنسونه باالردود الحلوه وتحياتي لكم


_________


علمني الدهر كيف ابكي فيا ليته يعلمني كيف ابتسم
  #2  
قديم 09-09-05, 06:07 PM
الكاسر غير متواجد حالياً الكاسر

عًٍآشًِْتُِِّْ آيَـِِّـِِّدًٍكَ عًٍلى آلمًوٍضًٍوٍعًٍ آلجًِْمًيَل
آتُِِّْمًنْى لكَ آلتُِِّْوٍفْيَقٌٍ وٍآلآبٌَِدًٍآعًٍ آلمًتُِِّْوٍآصٍْـِِّـِِّل
بٌَِكَل جًِْدًٍيَدًٍ وٍمًمًيَزٍُ مًنْ آلمًوٍآضًٍيَعًٍ تُِِّْحٍّيَآتُِِّْيَ
لـِِّـِِّـِِّـِِّـِِّـِِّكَ عًٍـِِّـِِّـِِّـِِّـِِّـِِّـِِّزٍُيَـِِّـِِّـِِّـّ ِِـِِّزٍُزٍُزٍُيَ
تُِِّْقٌٍبٌَِل مًرٌٍوٍرٌٍرٌٍرٌٍرٌٍرٌٍرٌٍرٌٍيَ

آلكَآسٌِِّـِِّـِِّـِِّـِِّـِِّـِِّـِِّـِِّـِِّـِِّ ـِِّرٌٍ
  #3  
قديم 09-09-05, 06:13 PM
عزتي في سمو ذاتي غير متواجد حالياً عزتي في سمو ذاتي

يسلموووو ضابط ويسلم ذوقك الرائع






تقبل مروري
  #4  
قديم 09-09-09, 02:51 PM
ابن الغربيه غير متواجد حالياً ابن الغربيه

كلمات جميله ورائعه بحق
عاشت الايادي اخي ونطمح في جديدك
تقبل مروري البسيط

مواقع النشر (المفضلة)

الكلمات الدلالية (Tags)
الحب, ومضات

جديد منتدى منقولات الشعر الشعبي

أدوات الموضوع


المواضيع المتشابهه للموضوع: ومضات الحب
الموضوع
ومضات
ومضات خنفشايره
ومضات شعريه ........؟؟
ومضات لكل عاشق

الساعة الآن 04:07 PM
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.



الابراج اليوم حظك اليوم حدث في مثل هذا اليوم