منتديات قلب العراق
تابعنا على الفيس بوك
العودة  

الشعر الشعبي العراقي - اشعار شعبية شعر شعبي الشعر التحشيشي , شعر الغزل العراقي , شعراء عراقيين , الشعر في العراق


  #1  
قديم 10-12-27, 04:50 PM
ابو تراب
المشاهدات: 3143 | التعليقات: 10

قبل متروح وتهاجر يا طير الصاف تانيني


قبل ماتروح و تهاجر يا طير الصاف تانيني
اخذني وياك لأحبابي و على الجنحان خليني
و ادوِّر وين أبوية حسين**وأدوِّر وين ابوية حسين
************
قبل ما يطوِّح الحادي قبل ما ياخذالأحباب
ترجيته بدمع يطفح مثل ما يطفح الخنياب
يهداك الله يا حاديهم تهدّى ولا تسوق الناب
مشى و لا جلمة من عنده سمعت و لا سمعت جواب
جزى و بكل مسرى كل خطوة أحس تركت جرح و صواب
تباريهم غدت عيني و تصد لما شبحهم غاب
يا طير الصاف عافوني و آنة الياويل يبرالي
أصد للبيت بعيوني و أشوف البيت ظل خالي
قطع لاوين ابوية حسين
************
عساها تهدمت داري علية و ريت موتي حان
و عسى بروح الأجل ينعى و لا اسمع حد الركبان
أحاجي الدار و اسألها بعد هم ترجع الوليان
سكوت و لا جواب أسمع مظلمة و موحشة الجدران
على فراش المرض جسمي وأرامح رمحة الغرقان
و أترجّى جرف صبري لعله يخفف الأحزان
عساه الموت يلفيني يا طير الصاف و أتمنى
و لا دنياي اقضيها على الآهات و الونة
قصد للبين ابويةحسين
*************
صِحِت ولياي عافوني دواهي البين حاطتني
مثل حال انولدمذبوح يا طير الصاف خلتني
عَلَي تتغاير همومي غصص دنياي ذهلتني
غصص ما ينحمل همها على نعش الموت شالتني
عليلة و من زغر سني نحيلة و المرض فتني
يا طيرالصاف و الدنيا اشكثر لوعات راوتني
على اللوعات أتسنَّد و أطيح ردود من همي
وادير العين و أتلفّت أبوية حسين مو يمي
ترك جرحين ابويةحسين
***********
جرح من لوعة فراقه انحُفر من الدمع خدي
جرح ثاني جرح قتّال من سيل المرض يبدي
عفاني شلون هالجرحين ما قطعن هِرِش جبدي
على هالحالةيا طير الصاف جزيت من الصبر حدي
سواد الليل يلفيني و اقولن يقضي و يعدي
وأصيح اشمطولك يا ليل و لا نسمة صبح تبدي
أوِن و الليل مايرحم ونيني و سيل عبراتي
و آنة المليت من همي و نحيبي و نار حسراتي
أجيب منين أبويةحسين
***********
حجيت آنة ويا حاديهم قبل ما بالظعن يطلع
الحادي ما بدى لي جواب ترك موح الجفن ينبع
حجيت النوب ويا الدار محاجي و ياها ماتنفع
حجيت ويا النجم و الليل ما منهن جواب اسمع
حجيت ويا النسيم الهاب جواب النسِم مايرجع
عفتهم كلهن و جيتك يا طير الصاف بالمدمع
أريد جواب من عندك حليفة نوح تدريني
أمشّي عليك بارينا يا طير الصاف حاجيني
تريد العين ابويةحسين
***********
لَو انك رايد تهاجر تواني وياي و اتمهَّل
أشد روحي على جنحانك و اخذني وياك من ترحل
نروح و نقطع البيدا ندوِّر على هلي و نسأل
ونتخطى على ظهر الغيم عسى المايوس يتحًّصل
يا طير الصاف و اريد اوصيك لو انك شاهدت محمل
برخى على القاع نزِّلني القلب ماعاد يتحمل
حملت هموم لو صبَّت على الجلمود يتفطَّر

غياب حسين شب قلبي و صليل حشاي يتوجر
شعل نارين أبويةحسين
***********
صدق نرحل يا طير الصاف و على جناحك تخليني
و صدق نوصل لعد أهلي و اشوفن الوالد بعيني
لبيابي صبيهن اهدي لك لون لأهلي توديني
و من عمري يا مقصر عمري و سنيني
رياحين العمر ذبلت و لا خفقة برياحيني
واباري مناحر مصابي ثجيل الهم يباريني
لظى الحسرات هيّمني هِمِت و الروح مفجوعة
بسقم بلواي محتارة حِرِت مابين هاللوعة
حِرِت مابين أبويةحسين
م..


<?xml:namespace prefix = o ns = "urn:schemas-microsoft-com:office:office" /><o:p></o:p>
  #2  
قديم 10-12-27, 04:53 PM
أسـ⁄يـﮱـرـألـﮱـغـ⁄ـرأم

رد: قبل متروح وتهاجر يا طير الصاف تانيني


سلمت ايدج
حبيبي ابو تراب
موضوع رائع
وطرح جميل
سلمت وسلم
قلمك الرائع
تح ياتي
  #3  
قديم 10-12-27, 05:00 PM
ابو تراب

رد: قبل متروح وتهاجر يا طير الصاف تانيني


ايدج هع .هع هع هع
يسلمووو لردكم الجميل
  #4  
قديم 10-12-27, 05:18 PM
منهل المدريدي

رد: قبل متروح وتهاجر يا طير الصاف تانيني


بإبداعك وجمال تصويرك وسحر قلمك
جعلت القلم ينساب بشيء من العبارات حاملة
الإحساس الذي وجدته في موضوعك الرائع
فسجلت هنا وبكلماتك إعجاباً وشكراً على تميزك
وشكراً آخر لشخصك الكريم وآخر لقلمك العذب .
  #5  
قديم 10-12-27, 08:57 PM
ابو تراب

رد: قبل متروح وتهاجر يا طير الصاف تانيني


شكرا لردكم
الجميل
  #6  
قديم 10-12-30, 04:27 AM
فادي البغدادي

رد: قبل متروح وتهاجر يا طير الصاف تانيني


حياك الله اخي الكريم
شكرا على الطرح الجميل
الممتع
تقبل مروري المتواضع
دمت بخير

مواقع النشر (المفضلة)

الكلمات الدلالية (Tags)
متروح, الصاف, تانيني, وتهاجر

أدوات الموضوع


المواضيع المتشابهه للموضوع: قبل متروح وتهاجر يا طير الصاف تانيني
الموضوع
الشاف طولك بالرمش يعثر


الساعة الآن 01:10 PM



Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
الابراج اليوم نكات شعر شعبي عراقي غرف نوم حفلات عراقية افلام رومانسية حظك اليوم معركة الطف حدث في مثل هذا اليوم شعر غزل صورعارية