الملاحظات

الشعر الشعبي العراقي - اشعار شعبية شعر شعبي الشعر التحشيشي , شعر الغزل العراقي , شعراء عراقيين , الشعر في العراق


وين اشوفك ؟!

كُتب : [ 11-01-14 - 01:36 PM ]


وين أشوفك ؟!
ياهو اليدليني بيك ؟؟
روحي ليليه يمر بيها غرامك ..
ودمعة صارت تشتهيك ..
ضعت وين ؟!
بيا محطة ؟ .. بيا مدينة ؟
بيا مكان ..؟
ويا صدر دافي بسرارك يحتويك ؟!
المشكلة شلون انسى حبك ..
وآني حتى عيوني تسألني عليك ..
المكان البي گعدنه ..
گام يسألني عليك ..
والطريق البي مشينه ..
هو هم يسأل عليك ..
والورود الزاهيه تغير عطرهه ..
لأن يمكن فارگت لمسة اديك ..

وين أشوفك ؟!
وكل شبر من عمري الك بي الف ذكرى ..
وانت عمري ..
وهم شفت فد يوم واحد ينسى عمره ؟!
آني احس كل الأماكن تحمل بداخلها حسره ..
المشكلة وتسألني عنك ..
وياهو اليلاگيني هم يسألني عنك ..
وآني شايل ذكرياتي بگلبي جمره ..
او وصلوا بيدي إلك مية سلام ..
الهوى .. الهوى يسلم عليك ..
والشجر يبعث تحيه وگام يسألني عليك ..
حتى ألبوم الصور .. لمن يذكرك ..
يبچي ..
يبچي ويذكرني بيك ..
وين أشوفك ؟!
دورت أحلامي حسبالي اشوفك ..
وسألت عيني ..
گلت ..
بلكي بقى شي من طيوفك ..
وما لگيتك ..

أنت وين ؟!
گمت أدور بين أوراقي القديمة ..
الغافية ابفي السنين ..
وگمت أرد لأيامي واسألهه عليك ..
هيه هم تسألني وين ؟!
وينك أنته ؟!
آني من اشتم عطر .. حسبالي جيت ...
وأركض بلهفة .. وبعد ميلمني بيت ..
وثاري مثل الحلم يخلص لو صحيت ..
وانت ماكو ..
وكلشي يسألني عليك ..
الليل من أسهر ..
اشوفه يلمح ويسأل عليك ..
كلشي يمي ..
حزني ..
تعبي ..
قلقي ..
وكل ذرة مني هايمة وتسأل عليك ..
آني لو أندل مكانك ..
يمكن عيوني تجيك ..
كون أعرف ..
هم بعد گلبك يحبني ..
لو نسه ؟!
وكون أعرف ..
بعد بگليبك محنه ..
لو ظروف الغربة خلنه قسه ؟!

(( مما رآآق لي ))

رد مع اقتباس
мαнєя
 •• عــضــو V I P ••

   

افتراضي رد: وين اشوفك ؟!

كُتب : [ 11-01-14 - 01:40 PM ]



رد مع اقتباس
نرجسيه
 •• عــضــو فـــضـــي ••

   

افتراضي رد: وين اشوفك ؟!

كُتب : [ 11-01-14 - 01:59 PM ]


يمه تابشني شون كلام فديتووووووووووووووو:SnipeR (48):


رد مع اقتباس

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
تابعنا على الفيس بوك