الملاحظات

منتدى الابوذيات والزهيريات والدارميات يختص بالابوذيات والزهيريات والدارميات فقط


دارمــــــــــــــــــيات

كُتب : [ 11-01-20 - 08:24 PM ]


الدارميـــــــــــــــات
_________________
لــ تمشي ــو امشي وياك لــ تبقـى ــو وياي
الزرع شلــــــــــــــــــون يعيش لــ فارك ـو الماي.
_________________
اسمر بعين الناس وبعيني لاله
كل البلد يروح فدوه لخياله
_________________
اتونس اعله اشفاك لو حركتهن
انسه شتريد اتكول وانسه الكلتهن.
_________________
ابجـــــ من ـــــــــــــــي اشوفك جاي واضحك بالفراك
جيـ كلبي ـه عفته وياك ماحاجـــ اشتاك ـــــه.
_________________
انخاني شوف اشلون راح
انتخيلـــــــــــــــــــــــك
اتعكز اعلى اضلوع صدري
واجيلـــــــــــــــــــــــك.
_________________
احس القلب محتاجك وطول البعد جارحني
وأنا أسف على أزعاجك بس الشوك ذابحني.
_________________
من كل كتر مجروح أصبح كلبنه
واجب علينه انكوم وانضمده كلنه.
_________________
للصاحب امشي بليل وللخوه ممنون
ولو نشف دمع العين ابجيله العيون.
_________________
كطعني ذبني بنار واحركني بيدك
التم وارد اردود بس كول اريدك.
_________________
شدني بجذع من نار وارميني جيلات
ايدفنوني اجيك بليل بالكبر مابات.
_________________
الكلب تالي الليل فز بونيني
لو للحبيب اتروح لو توديني


_________________
الكلب تالي الليل فز فرد فزه
لو للحبيب اتروح لو نحري احزه.
_________________
لوغبت عن الروح احسبهه شده
واحرك بدمع العين حتى المخده.
_________________
ارد ابجي تالي الليل بس ابجي بهداي
والصخر لوله اعيون جا دمع وياي.
_________________
رحت انه للدكتور شاورني بسكوت
لو ولفك يداويك لو باجر اتموت.
_________________
بروحي احط اهواي واتلفلف اعليه
بالكلب ست اجروح سابع اخليه.
_________________
مالي كلوب اثنين خو تدري بيه
واحد واخذته وياك وشظل اليه.
_________________
بالكلب شبت نار طفيها يهواي
بالوصل تطفه بساع ماتطفه بالماي
_________________
تيزاب احط بالعين واعميه بجفاك
خافن تصد للغير وانس المضه وياك
_________________
لا تعتقد ناسيك دوم بخيالي
من دكت النقال اعرف الغالي
_________________
حط منخلك وبضيج وبساعت امصاب
غربل وشوف اشلون مغشوشه
الاصحاب.
_________________
غربلت ماخليت كلمن مشه وياي
من المنخل ايطيحون اسرع من
الماي.
_________________
بلدمع غركانات ابقن يلعيون
الفارك الخلان يتبسم اشلون
_________________
هنيالك أنتة تنام ليلك بله هموم
صدكني ابفركاك من نومي محروم.
_________________
شوفي شكثر ولهان وتعبان بالي
بس ألك روحي أتهيد والله
يغالي.
_________________
لاتلوم ألي يودك باع روحه
واشتراك
ذنبة الأول يحبك وذنبة الثاني غلاك.
_________________
وحك الموت ألأخذ عباس وحك من غمض أعيونة
أحبكم من كلب ولسان متأكد أنتم تحبونة.
_________________
هاك الكلب يفلان اخذه برساله
مكعدني نص الليل يشكيلي حاله.
_________________
زين انته نص الليل كلبك يكعدك
كلبي انه الك يهواي رايدني اعبدك.
_________________
كلبك يشك اضلوع لكن جبرتة
جالك كليبي بليل ماادري سكتة.
_________________
كلبك خلص تكطيع متعجب انته
كلبي انه فركاك اذكر شلعته.
_________________
تدري انته شيصير من تعبر عليه
ابكلبي رجفه اصير وتموت اديه.
_________________
البصره لو تنباع والله أشتريها
أدفع ثمنها الروح جي أنته بيه
@@@@@@@@@@@@
لو تدري بيه شصار من غبت عني
مثل اليهيم بليل وبراسه جني.
@@@@@@@@@@@@
ياصاح دمعي نشف ماظل دمع
بالعين
فراك النحبهم صعب شك
الكلب نصين.
@@@@@@@@@@@
لاتضن حي وانساك وانسه الليالي
جثه ابوسط تابوت وانته على بالي.
@@@@@@@@@@@
سلم عليه وراح حسبالي ضدي
ماادري لمن راح راحاله خدي.
@@@@@@@@@@@
صدكني ماانساك صدكني احبك
دورني شوف البيك تلكاني كلبك.
@@@@@@@@@@@@
ماشفته مامر بيك دلالي ماجاك
فر مني هذا اليوم كالوا تعناك
@@@@@@@@@@@@
شتظن اعوفك بعد واكدر على غيابك .؟
موروحي شجره صبر ونزرعت ابابك
@@@@@@@@@@@@
ضيم وقهر وفراك وهم دمع سايل
وصار الكلام وياك بس بلرسايل
@@@@@@@@@@@
اتمني اصير اعيون وابجي على خدك
تدريني اموت اعليك كلشي ولابعدك
@@@@@@@@@@@@
من كثر مامشتاك ذكرك على البال
بنص كلبي الك ياصاح راح ابني تمثال
@@@@@،@@@@@@
ماضل عضو من اعضاي صاحي واجيلك
ياأبرهه بكل يوم يسحگني فيلك
@@@@@@@@@@@
خليهه حلوه النار تجويني خلهه
احاه تگلي الروح اشاه أگلهه
@@@@.@@@@@@@
أهلا وسهلا بيك اهلا وسهلا
وگبل السلام اعليك دمعاتي هلا
@@@@@@@@@@@
أبشر يبعد الروح لرگبه دونك
ومثل النسر لوجاع لليضدونك
@@@@@@@@،@@@

يتشابهن باالضوك ملحك وملحي
بس انه حط عالزاد وانته اعله جرحي
@@،@@@@@@@@@
لابيك جيه اوتجي اولابيه انه انساك
ضليت بس بلحلم نتلاگه انه اوياك
@@@@@@@@@@@


وددي

منهل

мαнєя
 •• عــضــو V I P ••

   

افتراضي رد: دارمــــــــــــــــــيات

كُتب : [ 11-01-20 - 09:42 PM ]



♥أدمـﮱــنٍـُـتٍ حـٍــُـبـﮱـٍـك ♥
 •• ممــيــز قــلـــب الــعــراق ••

   

رد: دارمــــــــــــــــــيات

كُتب : [ 11-01-21 - 05:38 AM ]


سلمت ايدك اخي منهل
تقبل مروري


منهل المدريدي
 •• عــضــو V I P ••

   

افتراضي رد: دارمــــــــــــــــــيات

كُتب : [ 11-01-21 - 12:55 PM ]


يسلمو مهور على المرور الروعه


منهل المدريدي
 •• عــضــو V I P ••

   

افتراضي رد: دارمــــــــــــــــــيات

كُتب : [ 11-01-21 - 12:56 PM ]


يسلمو ورده على المرور الروعه



Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
تابعنا على الفيس بوك