منتديات قلب العراق
العودة  

الشعر الشعبي العراقي - اشعار شعبية شعر شعبي الشعر التحشيشي , شعر الغزل العراقي , شعراء عراقيين , الشعر في العراق

  #1  
قديم 11-02-23, 07:36 PM
ά ѕ έ έ я ● ά ℓ я ό ό ħ غير متواجد حالياً ά ѕ έ έ я ● ά ℓ я ό ό ħ
المشاهدات: 15966 | التعليقات: 2

** قــصــيــدة روعـــــة للشاعـــر : ايــهــاب المــالــكـــــي **


عالحب كتلك البي تضحية يعيش
خذت رايي وسمعته وبية ضحيت



وشفت حفل افتتاح جروحي للناس
وشفتك من بعيد بروحي گصيت



طرت جن دمعة وبجنحينها رموش
وعلى شجرة ضحكتك سكته حطيت


خيل ظنوني طلعت خيل عرجاء
الموضوع الأصلى من هنا: منتديات قلب العراق http://www.qalbaliraq.net/vb/showthread.php?p=231518
وانا مراهن عليها تفوز ظنيت



من شفتك اطش سنيني واللة
لأن بيهن حلا حسبالي جكليت



غشيم وگلت ماساوي اليلمون
عزت نفسي ما خلتني لميت


انا بلا وعي من اطيتك الروح
وعقل ماجان عندي وهسة فزيت



ماجذب واگلك باجر انساك
عفتني وذكريات هواية خليت



اذا كل حايط البي اسمك يطيح
على هالحالة لازم نهدم البيت


بأخير ايام عشت بروحك هواي
ديرة شايلين ووحشة حسيت


ظلمة وريح بيها وصوت بيبان
وردت اطلع ولكن ما اندليت


انا الباني السفينة ومو مثل نوح
صعدتك وبالطوفان ظليت


وجبت عشب الخلود اطيتك اياة
وگلت احمل الفشلة وخالي رديت



بحرگتي وخفت تدريجيآ اشتاق
وخفت ردود قلبي يگلي حنيت


من دمعتي لحجيك وكت الوداع
خط وهمي بوكتها بجفي جريت


طلاسم نظرتك فكتها الاعذار
وبعيونك شگد الغاز حليت



جنت تحجيلي وايدي تهدم احلام
وبمعول دمعتي بقوة دگيت



بحيث من انتهيت من المواضيع
ذﯾﭺ الساعة ماظل كلشي هديت



فدة من ﯾﻨﭽفي يگولون عالماي
وفدوة شلون اگلك ماتبديت



انا شفتك ثلج بحلوگ شمات
معقولة بحلگهم ما حتريت



ماگتلي الرواية اخرها مبتور
جا بأول مشاهد مانشديت



ولو ادري اليظل ممنوع مرغوب
لارخصت روحي ولا انذليت



انة ابحرت بيك اعناد عالروج
وعلى خصر الشراع وزار شديت



الهوة هذا اليمرني اتخيلك بي
حته التقي وياك منين ماجيت



يعني بمعنى اخر مستحي احجيهة
ترة بس انته غيرك ماشتميت



وحررت اسمك من شفايف الغير
وعلمودك شگد حروب طبيت


وبعدت ذرائع قادر اجتاح
ولكن شبر منك ما أحتليت




اكض الليل بيدي من اوگف وياك
بدليل شگد عليك نجوم طشيت


جنت اگدر اجيك بدون عنوان
وحته ادخل بگلبك لو اضطريت




علي محسوب سر وانته مگيول
وعلى ازغر اعدائك ما انظميت



ما عندك عذر ينگال للناس ؟
يمي ومن حجيهم ما افتكيت




لهسة اكل بصبعي الاشرت بي
عليك وبي الف نيشان خليت



مثل حب الارض وية الشمس بي
جنت سطحي بنظرتي وفطرة حبيت



لو ادري الشمس ماتفتر وياي
على روحي بعشرتك ما افتريت



انة عابيت حته عيوني ﺒﭽفاك
بيهن وبنظرهن مااعتزيت



مر يم بيتنا مستطرق وشوف
تلگة اباب بيتي عيون ذبيت



انة ظهري احترف طعنات العزاز
وگمت اعرف اديهم لو اندجيت



بلا شوف واگلهم ها منو فلان
بس انته عكسهم ماتسميت



حته انساك لازم ينلغي الليل
اذا بالليل اذكرك جا سويت



واحتار من اظل ابين رائين
اذا عن رأي منهن ما استغنيت



بما انك عفتني بكل الاحوال
ماتفرق نسيتك لو تناسيت
  #2  
قديم 11-02-23, 07:42 PM
мαнєя غير متواجد حالياً мαнєя

رد: ** قــصــيــدة روعـــــة للشاعـــر : ايــهــاب المــالــكـــــي **


  #3  
قديم 11-02-23, 09:43 PM
¬» مٍـڶـڪטּـيـﮯ بٍـבـبـه დ غير متواجد حالياً ¬» مٍـڶـڪטּـيـﮯ بٍـבـبـه დ

رد: ** قــصــيــدة روعـــــة للشاعـــر : ايــهــاب المــالــكـــــي **


كنت هنآإ...
فلا استطيع الذهاب الا وان ترك بصمة لي


تقبل مروري .؟




دمت بحفظ الرحمن .؟


نـوَفْ إلْمـطـيـَريَ:rose:

مواقع النشر (المفضلة)

جديد منتدى الشعر الشعبي العراقي - اشعار شعبية

أدوات الموضوع


المواضيع المتشابهه للموضوع: ** قــصــيــدة روعـــــة للشاعـــر : ايــهــاب المــالــكـــــي **
الموضوع
قــصــيــدة غــير مــنتهــية في تـعريف الـ ع ـــشق (من روائع نزار قباني)
قــصــيــدة الــمــســتــنــصــريـــه

الساعة الآن 02:30 AM
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.


صور كوكل ياهو مكتوب الابراج اليوم شعر شعبي عراقي نتائج امتحانات الدور الثالث صور تحشيش برجك اليوم نانسي عجرم صبايا العراق غرف نوم الابراج حفلات عراقية تحشيش كوكل كروم شعر غزل ابراج اليوم 2012 شهد الشمري توقعات الابراج لشهر ديسمبر 2012 , توقعات الابراج لشهر