منتديات قلب العراق
العودة  

منتدى المغتربين للتعارف بين المغتربين والتواصل بينهم....


  #1  
قديم 11-03-19, 09:39 PM
منهل المدريدي غير متواجد حالياً منهل المدريدي
المشاهدات: 2619 | التعليقات: 10

شعر على الغربة


شعر على الغربة

****************
هلي

تعبني الوكت و اهنا اريد ارتاح مهموم بغربتي و ما شفت راحه

طير و ريحي ضدي و الزمن رماي بس كلي شيطيره الكسرو اجناحه

غركت بحر مظلم ياهو للغركان من نزعت الموت يريد سباحه سنين

انه بغربتي و النتيجه هموم و عاني الفرح عني و عمري ما لاحه

عاركني الوكت مخسرت عركت موت و لا واحد وكفلي و طلع اسلاحه

هلي بالغربه تجفي و لا محنه هناك و لا صوت العتاب يأثر اصياحه نحصد

بالهموم و ناكل المحصود خلص بينه العمر بس تعب الفلاحه يهلنه مضيعين

و طحنه بين اجناب يهلنه اخلافكم حسينه بالذمه تهنه وي الحزن و الدرب

حيل طويل و بس القاسي كلبه هناك يذبه هلي و بلكت مثلكم نلكه ناس

هناك لا جذاب كلمن يلكه مثل اهله و انه هسه بكلب بي جويت الفركه هلي

لا مثلكم ابد ما الكه خلوني ابوس اترابكم و ابجي اعله عمري الفات احس من

الفراك الروح محتركه و خلوني اشم طيبتكم وي الريح و اتنفس هواكم روحي مختنكه

هلي و يا طيفكم باقي وي رمش العين مزروع وي روحي و بالكلب عركه و يا ثوب

الصبر كل ساع اخيط بي صبح بخلافكم ياهو اليجي يشكه هلي و نيران تنزل

و العيون ارماد اظن حكه الكلب من يشتعل حكه هلي اتمنيتكم يمي قريبيين

و اشم عطر الوفه هيليه بيكم هلي و الغربه صعبه تهدم الحيل كون اشتم هوه

اليمر عليكم انام وي الحزن و اكعد و انه اويا و اذكر جنت اغفه اعله اديكم

هلي وسادتي بالغربه الهموم و هلي بس رسم امشي بطرك الهدوم

هلي و الفرح ضاع ابيتنه ايام ما ادري الفرح الكاه يا يوم هلي و شلونكم

و شلون بغداد و شلون اصدقائي و عتبت الدار بعده الليل يمكم لمت

احباب و بعده الكمر يمكم باقي خطار بعدهه ذكرياتي و كتبي و اقلامي

و بعد ذيج الرسائل تحوي احلامي هلي و كل ذكره يمكم تاكل وي الروح

و احس كل صغري صاير هسه كدامي غربنه الزمن بين المحطات و لكينه

الدمع واكف ينتظرنه بعدنه اضغار و اكبر منه الهموم و حزن بحزن جبناهه

و كبرنه لا بينه صبر لا نحمل اهموم و على عمر المضى شينفع صبرنه

لا يا زمن ارحم دمعة العين و شوفنه الفرح بأخر عمرنه سجاجين الوكت

بالروح بردن و احس الجسم و كت الصيف بردان انه بردنين رحت و ارد

بردان و اخاف الغربـــــــــــــــــــــــــــــــــــــــــــــ ـــــــــه تاخذ حته اديه
  #2  
قديم 11-03-20, 02:22 AM
كربلاء حلمي غير متواجد حالياً كربلاء حلمي

رد: شعر على الغربة


جميل ما نثرت لنا من كلمات

الكلام عن الغربه يخاطب جميع المشاعر

هذه الكلمات تعبر عن صقيع الغربة الذي يعتري أشوقنا فيجعلها ترتجف داخل دمع المشاعر

و تجعل سماء القلب ترتعد فتمطر حنينا و وتعصف أحزانا ترمينا إلى أحبائنا الذين

أبعدتهم قسوة الحياة عنا........لكن صدى ذكرياتنا معهم يبقى مقيما في خيالنا كبركان

قد ينفجر في أي لحظة ليوقظ العذاب الذي يزورنا من

حين إلى حين فيدخل مشاعرنا دون أن يطرق الباب ويخرج دون أن يودعنا ..........

تقبل مروري
  #3  
قديم 11-03-20, 09:11 AM
ά ѕ έ έ я ● ά ℓ я ό ό ħ غير متواجد حالياً ά ѕ έ έ я ● ά ℓ я ό ό ħ

رد: شعر على الغربة


عاشت ايدك شعر جميل

تقبل مروري

ودي
  #4  
قديم 11-03-20, 11:02 AM
منهل المدريدي غير متواجد حالياً منهل المدريدي

رد: شعر على الغربة


يسلمو كربلاء على المرور الروعه
  #5  
قديم 11-03-20, 11:02 AM
منهل المدريدي غير متواجد حالياً منهل المدريدي

رد: شعر على الغربة


يسلم اسوري على المرور الروعه
  #6  
قديم 11-03-20, 10:49 PM
¬»لــكـﮧـبـريـآئـي ح ـﮧـكـآيـه ً‏«• غير متواجد حالياً ¬»لــكـﮧـبـريـآئـي ح ـﮧـكـآيـه ً‏«•

رد: شعر على الغربة


كلمات رائعه بـروعـة حضـوركـ ـآلمـتـألق

لاجـديـد عـليـنـآ ابـداعكـ

ودي "

مواقع النشر (المفضلة)

الكلمات الدلالية (Tags)
الغربة

جديد منتدى منتدى المغتربين

أدوات الموضوع


الساعة الآن 11:58 PM
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.



الابراج اليوم حظك اليوم حدث في مثل هذا اليوم