منتديات قلب العراق
العودة  

منتدى الابوذيات والزهيريات والدارميات يختص بالابوذيات والزهيريات والدارميات فقط

  #1  
قديم 11-11-02, 01:38 PM
مقهور غير متواجد حالياً مقهور
المشاهدات: 1186 | التعليقات: 2

ابوذيات جرح


اذوبن شمعه واتامل تمر مر
عزيز الكلب بفراكك تمرمر

اسالك هم ضكت مرة تمر مر
وانه البرحي انكلب حنضل عليه



اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه




سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية




سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه




الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه



عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه




صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه



صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه




عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه



محبتك تجري وي روحي ويه دماي
الموضوع الأصلى من هنا: منتديات قلب العراق http://www.qalbaliraq.net/vb/showthread.php?p=460781
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه


احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه



هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه


رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه



هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال

يالتنشد على حالـــــــــــــــــــي .. علي حال
شيفيد النشد عالصار بيـه






مخموط للامانه
مقهو(
  #2  
قديم 11-11-02, 06:04 PM
منهل المدريدي غير متواجد حالياً منهل المدريدي

رد: ابوذيات جرح


عاشت الايادي عيوني

دوم الابداع

ننتضر الاجمل

وددي

منهل
  #3  
قديم 11-11-02, 06:10 PM
مقهور غير متواجد حالياً مقهور

رد: ابوذيات جرح


شكرا لمرورك

مواقع النشر (المفضلة)

الكلمات الدلالية (Tags)
ابوذيات

جديد منتدى منتدى الابوذيات والزهيريات والدارميات

أدوات الموضوع


المواضيع المتشابهه للموضوع: ابوذيات جرح
الموضوع
ابوذيات
ابوذيات
ابوذيات جميله ابوذيات 2011 ابوذيات رائعه
ابوذيات ...

الساعة الآن 01:48 AM
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.


صور كوكل ياهو مكتوب الابراج اليوم شعر شعبي عراقي نتائج امتحانات الدور الثالث صور تحشيش برجك اليوم نانسي عجرم صبايا العراق غرف نوم الابراج حفلات عراقية تحشيش كوكل كروم شعر غزل ابراج اليوم 2012 شهد الشمري توقعات الابراج لشهر ديسمبر 2012 , توقعات الابراج لشهر