منتديات قلب العراق
العودة  

منتدى الابوذيات والزهيريات والدارميات يختص بالابوذيات والزهيريات والدارميات فقط

  #1  
قديم 10-05-29, 05:46 AM
[ ًَۦ ـآلـﮧـزعـﮧـيـﮧـم]¦●• غير متواجد حالياً [ ًَۦ ـآلـﮧـزعـﮧـيـﮧـم]¦●•
المشاهدات: 2041 | التعليقات: 6

أبيات من الشعر الدرامي العراقي


هاك استكانة جاي أشرب عوافــي
أو دزيته لك مخصوص يامايه صافي



رش الدرب تيــزاب حافي أعتـني لـك
جا شـلي بالرجليـن الما تجي لــــك



لو ترش مو تيــزاب لو تزرع ألغــام
اللحم خلـه إيروح أوصلـــك إعظـام



كل ما يجي الليل أذكر وفــــاكم
واذكر محاشي الطيب وابجي أبرهاكم



ويا النجم سهران وايدي أعلى خــدي
الليل أوظلام الليل شو كلها ضـــدي




وحدي ابنص الليل بس حيرتي أوياي
أبجي أعلى وقت الراح واتنطر الجاي




إشما تقول الناس عندي أنته لول
سو كلشي بالدلال يالحلو مخـول




يالتون تالي الليل سمعني حسك
لولا القلت والقال لعبر وونسك



شحجي وتريد الناس من عندي أحجـي
دمعتي إبطرف العين بس أحجي أبجـي



للخوه ماقضيت شي ماقضيته
حتى الصخر ياناس وتوسديته



انت العطش والماي وانت المشوفـه
ورسمش وحق عيناش بالكاس اشوفه


أرد انشدك وارجوك صارحني ياهواي
تذكرني لوغصيت من تشرب المــاي


نارك يخايب ماي مومثل نـــاري
اومن يطري بيا الشوق يحترق جاري


هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون



بالك تقول الاه ياخويا بـــالك
كل التقوله ايصير روحي ابدالك


مبخوت أضل للشيب يافلان أذكـرك
أوينكرني نور العين من كون أنكرك


سبحانه من سـواك نص وجهك إعيــون
إزغيــر سبيــت الناس من تكبر شلون



بيدي أوقرضها الفار فجت عباتي
كل هذا ماطخيت وامشي ابرهاتي


أتمنى كون أيصير لحدي أويا لحدك
أو من يطلع الدفان أقعد وقعـــدك


بيدك ضيعت ديك الليـــالي
وبلحظه ما أجى أبعينك دلالي


شقيت ثوبي أعليك وصلته للنــص
جاوين قلبك أوياي صاير مثل جص

لاتهتم على الراح وي همك الراح
والعالي مو بالطول بالصبر ينلاح


اشمالك يبعد الروح لونك تغــير
عندي خوات أهواي طب أوتخير


يسألني البطران حالك إشلونــه
الغاضب الله إعليه هم ينشدوونـه


جاشلي بالخوان والماينفعـــــون
عود أمن اموت أيجون ويا اليشيعون


عبالي طيب زاد واعطيتك اعيون
تالي توج النار ويا اليكرهـــون


هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك



هـاك أبرتك. .و الخيـط خويــه إمش عنــي
لو بـيـــه أشل إجروح .. جان أ


الدنيا بس أوياي صارت حريصـه
أو من سلة المكتوم تطلع لي شيصه


همي الليالي اتعود واتعاتب أوياك
احجايه للشمات خلاني فرقــاك


سـلـم ولَو بالعين تكفي الإشــــاره
روحي إبتلت بهواك .. سـويلي جـاره



أرد اسأل العراف واهل القوافـي
ليش الحجاب إيلوق للوجه صافي



شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه



شمـاتي مو شـمات شمـاتي شمات
بالكًًبر ويسألـون حي بعده لو مـات



شمـاتي مو شمـات شمــاتي إخـوتي
حتى أمي يا هالناس تدعي إعله موتـي



شماتي موشمات شماتي خوتـي
حته امي ياهل ناس تتمنه موتي


شماتي موشمات شماتي اشرار
بالكبر ويقولون ياربي بالنـار


شماتي موشمات شماتي ورطــه
نصهم امن واجرام والباقي شرطه


شمـاتي مو شمـات شماتي تسعه
والعاشر إزغيرون يأشر باصبعـه



حطيتك بسرداب وفوقه متر صـب
اصبح الواشي وياك من ياكتر طب


وينه اليخَيـطْ العين ويفكني منهـــا
الموضوع الأصلى من هنا: منتديات قلب العراق http://www.qalbaliraq.net/vb/showthread.php?p=55191
كل ما تصد للدار يكثر حزنــــها



لو غبت عني الروح احسبها شده
واحرق ابدمع العين حتى المخده


بالك تمر بالدار عنها أشمر ابعــيد
دار العزيز اهواي نوح أوبجي اتريد


عمده ارد امر بالدار والنوح ازيده
واسمع صداها يقول راح التريده


عمده ارد امر بالدار واشبع مغمه
والمعتني الطيبات لوطاح شيهمه


غصبن عليها الروح جابتني اشوفك
كفر عليها للوم بلجن تعوفــــك


ظلمى اوذرب عاثور لليلة شتى أوعت
روحي اشتهت ملقاه عتتني لك عــت


أهلا وسهلا بيــك وكثــر بالوياك
الكَلب قبل العين فز وتلـكَـــــاك


اقدر اسكت الناس وامك واخوتك
قلي شيسكت اهواك لودره ابموتك


ياعازة الخوان عازتها عــازه
والماوراها صياح وحشه الجنازه

منقول
  #2  
قديم 10-05-31, 03:58 AM
مثل طبع النسر طبعي غير متواجد حالياً مثل طبع النسر طبعي

تسلم عاشق .؟

موضوع جميل . وبغاية الروعه .؟

لا حرمنا الله منك .؟

ننتظر جديدك .؟

احترامي .؟
  #3  
قديم 10-05-31, 04:08 AM
[ ًَۦ ـآلـﮧـزعـﮧـيـﮧـم]¦●• غير متواجد حالياً [ ًَۦ ـآلـﮧـزعـﮧـيـﮧـم]¦●•

شكرا على الرد الجميل


نورت صفحتي اخويه العزيز
  #4  
قديم 10-05-31, 05:30 AM
عديل الروح غير متواجد حالياً عديل الروح

يسلمو ابيات جميله
  #5  
قديم 10-05-31, 05:42 AM
[ ًَۦ ـآلـﮧـزعـﮧـيـﮧـم]¦●• غير متواجد حالياً [ ًَۦ ـآلـﮧـزعـﮧـيـﮧـم]¦●•

شكرا على الرد الجميل

مواقع النشر (المفضلة)

الكلمات الدلالية (Tags)
أبيات, الدرامي, الشعر, العراقي

جديد منتدى منتدى الابوذيات والزهيريات والدارميات

أدوات الموضوع


المواضيع المتشابهه للموضوع: أبيات من الشعر الدرامي العراقي
الموضوع
لتكون مميز بقسم الشعر الشعبي ..تعرف على الوان الشعر الشعبي العراقي
اهم شخصيات الشعر العراقي
اوزان الشعر الشعبي العراقي
>> موسوعة الشعر الشعبي والنبطي العراقي<<

الساعة الآن 08:55 AM
Powered by vBulletin® Version 3.8.7
Copyright ©2000 - 2014, Jelsoft Enterprises Ltd.